What Does My Creator Think Of Me? (Fijian Translation) Print E-mail

A CAVA E NANUMA NA NOQU DAUVEIBULI BALETI AU?

Same 139

E nanuma ni'u sa dua na ka yaga, ka sa kitaka kina me kila vinaka na noqu i moimoi kece ga kei na noqu nanuma.

"O ni sa kila na noqu tiko sobu kei na noqu tucake, O ni sa kila na nanuma ni lomaqu ni sa yawa tiko." T2, 3.

E sa dau tiko vata ga kei au ka'u sa sega ni drotani rawa mai vua.

"Kevaka ka'u cabe ki Lomalagi, ko ni sa tiko mai kina. Kevaka ka'u vakarautaka noqu i mocemoce mai Bulu, raica! Ko ni sa tiko mai kina." T8.

A sa buli au e na vatuka uasivi e na i naki a lalawataka baleti au mai na i vakatekivu ni tawa mudu (eternal past).

"Au na vakavinavinaka vei kemuni, ni sa ka rerevaki ka vakurabui na qau ibulibuli. A ka veivakurabuitaki na nomuni cakacaka. A ka oqo sa kila vakavinaka sara na yaloqu. Sa sega ni vunitaki vei kemuni na vatukaqu ka ni'u a caka vakavuni e na noqu a vakamataitaki e ruku i vuravura. Ni'u sa vaka ga na vulovulo wale sa votu e matamuni. Ia sa volai kece sara na veitikiqu e na nomuni i vola, me dau caka tiko e veisiga ni se sega ni caka oti e dua." T14-16.

Na nona loloma ni kauwaitaki au e sega ni siqemi rawa.

"Sa ka talei dina vei au na nanuma ni lomamuni na Kalou. Sa ka levu na kena i wiliwili. Kevaka au sa via wilika, e na lailai sara na mata ni nuku. Ia ni'u sa yadra cake e daru sa tiko vata tiko ga." T17, 18.

 

AU NA DOLEA VAKACAVA NA LOMANI AU NI NOQU DAUVEIBULI?

 

Vakalaiva me vakaraitaka vei au noqu i tutu vakayalo.

"Mo ni dikevi au, na Kalou, mo ni kila na lomaqu, ni raica se sa dua na noqu i tovo ca..." T23, 24a. "Ni sa i valavala ca na tamata kece ga, ka ra sega ni yacova na ka sa vakarokorokotaki kina na Kalou." Roma 3:23

Me'u vakadonuya me'u ciqoma e na makutu na i vakarau e sa lalawataka tu o koya me baleta noqu bula, ka me tekivutaki sara ga oqo e na noqu vakabulai vakayalo.

"Ka tuberi au e na sala ni bula tawa mudu." T24b.

Ko Jisu Karisito, na noqu Dauveibuli, e sa lomani au ni sai koya na Kalou, sa taura O koya vakaikoya na yago vakatamata, ka siro sobu mai ki vuravura me mai totogitaki e na vuku ni noqu i valavalaca me mate kina e na kauveilatai.

"Ia na Kalou sa vakatakila na nona loloma vei keda, ni sa mate na Karisito me keda i sosomi ni da sa tamata ca." Roma 5:8

Me baleta na nona mai mate, bulu ka tucake tale e na vukuqu, au sa rawa kina ni taukena na i solisoli ni bula tawa mudu vata kei koya na noqu Dauveibuli.

"Ni sa i sau ni i valavala ca na mate: ia e sa i solisoli wale ga ni Kalou na bula tawa mudu, e na vuku i Jisu Karisito na noda Turaga." Roma 6:23

AU NA TAURA RAWA VAKACAVA NA I SOLISOLI NI VEIVOSOTI NI NOQU I VALAVALACA ME'U NA CURU RAWA KINA KI LOMALAGI?

Me'u veivutunitaka na noqu i valavalaca: ka'u vakadonuya na ka e sa nanuma kina na Kalou.

"Mo veivutuni, ka vakabauta na Kosipeli," Marika 1:15

Me'u vakabauta e na vu ni yalaqu taucoko ni a mate na Karisito, a sa bulu ka tucake tale e na vuku ni noqu i valavalaca.

"Kavaka ko na vakatusa e na gusumu na Turaga ko Jisu, ka vakadinata e na vu ni yalomu ni sa vakaturi koya tale mai na mate na Kalou, ko na bula." Roma 10:9

"Ni ra na bula ko ira vakayadua era sa masuta na yaca i Jiova." Roma 10:13

Martha S. Baugh

Vakadewataka: Rev. Sam Berwick, Ph.D.

Noqu Turaga, Jisu,

Au vakabauta ni'u sa tamata i valavalaca, kau' sa kerea kina oqo nomuni veivosoti, au vakabauta ni ko ni a sa colata na qua i totogi ni valavalaca e na nomuni a mate ka tucake tale mai na i bulubulu. Vinaka vakalevu na nomuni sa vakabulai au ka vosoti au e na tiki ni gauna sara ga oqo, e na yaca i Jisu. Emeni.

"A rau sa kaya, vakabauta na Turaga ko Jisu Karisito ko na bula kina." Cakacaka 16:13.

Kevaka e sa mana na cakacaka ni Yalo Tabu e na nomu bula e na i tukutuku oqo ka ko via veitaratara kei iratou na vakauta yani. Na lotu e dau vakayacori e na International Baptist Church e Samabula e na Siga Tabu, 10:30 am. 12 Matuku Street, P.O. Box 2517, Government Buildings, Suva, Fiji. Phone (679) 340 356 Fax (679) 381 738.

 
Joomla Template by Joomlashack & Modified by TEK By Design
Joomla Templates by JoomlaShack Joomla Templates